"以為"

今日有感而發下嘮叨

大家有無成日聽到d人"以為"呀?

你同事"以為"你識做
你老媽子"以為"你會買手信
你女朋友"以為"你會明佢嬲乜
你同學"以為"你會借功課比佢抄
你班friends"以為"你識路 

有無數過你一日入面聽過幾多次"以為"同講過既多次"以為"呀?

中國人好興"畫功仔唔洗畫出腸", 講真, 我好唔認同囉

係, 乜都講到出面, 的確好唔浪漫, 好老土同好刻意咁, 但係, 你又既"以為"又有幾多次係準確先?

當"以為"不能對現, 得回來的就是"不開心", 你問心呀, 你"以為"你老公會送花比你, 結果佢得兩疏蕉, 你係唔係會失望先? 你"以為"女友會明你今日好唔開心, 但結果佢訓左覺無理你, 你係唔係會有d慶先?

點解係適當既時候唔講清楚相方既要求先? 將上面既例子改一改
你同事問你識唔識做
你老媽子問你會唔會買手信
你女朋友問你明唔明佢嬲乜
你同學問你會唔會借功課比佢抄
你班friends問你識唔識路

咁樣, 大家都好明確啦, 識就識, 唔會就唔會, 無左"以為"大家溝通唔係更加清析咩?
點解講清楚就叫老土, 唔浪漫先? 我又唔係你條蟲, 邊有可能知你"以為"d咩先? 人估估下, 結果呢? 估10樣得可能2-3次中, 估唔中對方又唔開心, 咁係唔係無野囉野煩先?一開始講清楚d就無野啦

所以我覺得人應該開始學下, 唔好再話"以為", 你覺得對方要知既, 就講出口話佢知, 唔好再"以為"講左都無用, 講清楚定係要繼續估估下, 邊個有隻數d, 你自己話啦