靚紅酒 chianti classico

我知, 我並非好酒, 或識飲既人, 我好多朋友都識飲識食過我

不過, 我只知道, 一支紅酒好壞, 好個人口味, 有人鐘意dry d, 有人鐘意果味重d, 我呢? 我就喜歡平均, 最好入口有果味, 吞時唔會介喉, 飲完個口重有味, 唔好太酸就得啦.

你問我邊隻好飲, 我真係唔知喎, 我飲過好多唔同牌子, 但好快就唔記得, 最好飲當然係我去las vegas 時飲過既酒, 差不多支支都合晒我要求架

所以呢, 而家飲到好酒, 我要寫底, 推薦比大家一齊試

係意大利, 我個朋友話, tuscany 名酒之一, 當然係chianti 啦, 於是我決定去餐廳食牛扒, 試一杯.

我叫左chianti classico riserva, 真係好好飲.  唔好講笑, 送牛扒真係好正

我係加拿大都買過支黎試chianti classico, 當然買唔起 riserva 啦, 因為 riserva 係預訂咁解, 通常年分會耐d, 酒會純d.   但我買哩支都唔差啦 (唔識飲, 飲咁貴咪盞徙), 只不過20$左右, 都好得呀

加拿大應該有好多其他牌子, 價格由20$ 到 300$ 都有
香港都應該有, 哩隻野好出名, 記得要買classico, 淨chianti 平好多, 應該無咁好飲掛, 唔知呢.