以前好多時, 呀媽一碟蠔油豬肉, 就足夠我食一餐, 唔洗其他菜, 因
為真係好惹味呀, 簡簡單單, 無乜特別花巧, 但偏偏就係食極唔夠, 連d 汁好多時都唔會放過
好野真係唔怕多食呀, 但現在到我去煮了, 煮這碟菜時已被我改良過, 我加了青蔥同米酒, 味道同賣相可謂更上一層樓呀, 我還加了點水和糖, 使鹹度大大減低, 咁樣就更能適合一大細啦
唔係講笑, 你試下煮黎食, 真係會上癮呀
正所謂: 酒香蠔油炒豬肉, 食完上癮似吸毒
簡單得黎真係好好味呀
材料 Ingredients:
1- 枚頭豬肉1磅左右, 切厚片 (1 lbs pork, sliced)
2- 青蔥4-5條, 洗淨去尾, 切大斷 (4-5 green onions, cut into pieces)
3- 蒜蓉 1湯匙 (1 tbsp chopped garlic)
汁 Sauce:
1- 蠔油 3湯匙 (3 tbsp oyster sauce)
2- 廣東米酒 1湯匙 (1 tbsp chinese cooking wine)
3- 糖 2茶匙 (2 tsp sugar)
4- 水2湯匙 (2 tbsp water)
做法 Methods:
1- 豬肉用基本野醃15分鐘
2- 快火落油起鑊, 先爆香蒜蓉, 加豬肉, 贊酒略炒, 加入青蔥炒至豬肉全熟
3- 加入餘下汁料兜勻即成
1- Marinade the pork with usual spices for 15 min
2- Heat the pan with high heat. Fry the garlic until brown. Stir-fry the pork and mix it with the wine. Add and stir-fry the green onion until the pork is done.
3- Mix the sauce into the ingredients. Mix it well.
貼士:
1- 豬肉切厚一點會更有口感
2- 怕鹹可以加多點糖
通少, 我跟你煮左個南乳花生豬手, 唔過我用蓮藕代替花生. 的蓮藕入晒南乳味, 好正. 多謝介紹
回覆刪除[版主回覆02/12/2008 07:40:00]煮得好好味咁喎, 你喜歡個味道就好啦
試下我哩個蠔油豬肉啦, 都好好味
我都有煮過。不過,有加豆腐... :D 連唔多喜歡食豆腐的老公都會食晒,重無飲剩。 另,你用咩米酒?珠XX牌好似無咩信心,但由細用到大,又唔懂其他.
回覆刪除[版主回覆02/12/2008 11:04:00]我都唔知咩牌子喎, 只係知紅色蓋, 寫著廣東米酒囉
落咩豆腐呀? 板豆腐定係滑豆腐呀?
好正呀!而家豬肉貴我會煮蠔油牛肉
回覆刪除[版主回覆02/12/2008 11:05:00]牛肉都好好味呀
我去完旅行返咗嚟....首先祝你地新年快樂、身體健康先.....豬肉我煮過一次就唔禁再煮喇,因為都幾難控制煮幾耐先會淋唔會"奀" 囉 !
回覆刪除[版主回覆02/12/2008 11:06:00]買枚頭豬肉啦, 順紋切, 無理油韌喎, 會唔會太瘦同買錯位置呀?
簡簡單單都已經好正呀
回覆刪除[版主回覆02/12/2008 22:47:00]無錯呀, 真係連汁我都唔會放過呀
好簡單又好味的餸,但炒豬肉好考功夫.
回覆刪除[版主回覆02/12/2008 22:48:00]炒豬肉要咩功夫, 講黎分享下好喎
我就咁炒咋, 唔知要注意d 咩呀, 只係知個豬肉好重要
加米酒炒真係唔同o的呢... 肉片我就最鍾意架喇..
回覆刪除[版主回覆02/12/2008 22:48:00]係呀, 隻味好獨特呀
正~可惜我唔可以落酒去煮送~屋企人唔食得~
回覆刪除[版主回覆02/12/2008 22:48:00]唔落酒都得, 都好好味
俾你笑鬼死!上癮似吸毒都
回覆刪除[版主回覆02/12/2008 22:49:00]好好味, 次次食完都覺唔夠呀, 仲唔係似吸毒, 哈哈哈
唔好意思!我先生入嚟話想睇下只鹽水鴨,搞到我按錯鍵。
回覆刪除~上癮似吸毒~都啉到,我笑到d恐肉怔好返大半啦!
[版主回覆02/12/2008 22:50:00]哈哈哈, 咁就好啦, 睇多幾日你就會好番
我通常煮蠔油炒牛肉加小小米酒
回覆刪除[版主回覆02/12/2008 22:50:00]牛肉豬肉都得, 米酒煮完d味好獨特
加酒煮野食勁鍾意用花彫
回覆刪除[版主回覆02/12/2008 22:51:00]花凋呀? 下次試
今餐既金句真係笑爆咀!
回覆刪除勁壓韻!!!!!!!!!!
呢個簡易好味既餸,
我偷懶時最鍾意炒架!
嘻嘻!
[版主回覆02/12/2008 22:51:00]哈哈哈, 真係快靚正呀
繼上次個菇皇煲&白汁燴海鮮後再次偷師... 酒香蠔油炒豬肉+白汁雞皇煲 通少講得o岩...今次個白汁加埋薯仔真係正到痺!! 再加上我係極愛薯仔之人...飯都食少左...薯仔代飯!!! 哈哈 雖然賣相不太好...不過味道都幾好架!!
回覆刪除[版主回覆02/12/2008 22:53:00]好野呀, 你喜歡吃就好啦
賣相下次先執啦, 最緊要好味道, 多謝你試用我個食譜呀
你D金句真係好攪笑!
回覆刪除[版主回覆02/12/2008 22:56:00]哈哈, 笑一笑, 世界更美妙呀
加入D紅蘿蔔或者青椒紅椒會好食D呢...又可以多D顏色
回覆刪除sigh* lee幾日隻手好痛,唔係好煮到飯...攪到無啖好食呢>"<
[版主回覆02/12/2008 23:21:00]青紅椒的確係幾好, 味道平和, 真係百搭呀
做咩事手痛? 有無睇醫生呀?
你地啲米酒有否加到鹽, 以前在多倫多買的中國白酒多數是咸的.到時煮餸是否減番d鹽.
回覆刪除[版主回覆02/12/2008 23:22:00]應該無喎, 當然如果加左鹽既話, 煮既時候要加多些糖 (我煮哩碟菜色無落過鹽)
通少, 剛剛路過, 但睇見d 咁好味的美食. 即時賴死唔走. 好正呀.....
回覆刪除[版主回覆02/13/2008 01:25:00]歡迎歡迎, 喜歡就試下煮啦
你今次既金句完完全全地表達到我所想的! 真係食完上癮似吸毒呀! 嘩哈哈...
回覆刪除[版主回覆02/13/2008 01:25:00]係呀, 真係食極唔夠呀
通少..新年快樂呀!!! 今日個餸好得呀! 不過我想問..你知唔知到枚頭豬肉的法文係咩呀? 哈哈!其實我係唔知道枚頭豬肉係邊部份呀!!
回覆刪除[版主回覆02/13/2008 04:48:00]枚頭豬肉指豬後肩至腰部的肉
中國人將豬肉分報得比較細膩, 在超市, 通常都叫loin (我估)
法文我就不知叫甚麼了, sorry
今日去左睇...因為真係頂唔住啦 係英國真係好唔方便呢,揾個鐵打都難
回覆刪除[版主回覆02/13/2008 04:39:00]鬼佬地方, 真係好難
睇落幾好﹐不過我地好少食豬肉
回覆刪除[版主回覆02/13/2008 04:38:00]用牛肉都得呀
我次次切豬肉都係厚嘅,
回覆刪除想切薄d都唔得,
因為我唔係好識切嘢囉。
[版主回覆02/13/2008 10:50:00]如果你有把好刀, 應該可以切得好薄
通少﹔ 我以前屋企,都用拜完神嘅豬肉咁整法架!! 好野味架!! 你成日都好有靈感煮野食, 我到而家都未見過你有野重複!! 勁!
回覆刪除[版主回覆02/13/2008 10:51:00]哈哈哈, 未想重覆著呀, 一年後就唔咁包呀
最鍾意有汁撈嘅餸架嘞 !
回覆刪除[版主回覆02/13/2008 11:39:00]咁你就快d 試下啦, 試完包你上癮呀
食完上癮似吸毒 --> 笑c我咩
回覆刪除[版主回覆02/14/2008 00:28:00]哈哈哈, 你好耐無笑過啦
情人節快樂!
Happy Valentine's Day !
[版主回覆02/14/2008 22:35:00]多謝晒
色香味俱存, 但你有冇覺得北美這邊的豬肉有很強的"蘇:味,不知如何僻除.我住在鄉下,很遠才有唐人街.
回覆刪除[版主回覆02/15/2008 23:05:00]你好呀, 歡迎你到我個blog參觀
豬肉腥味, 有幾鐘方法去除
1- 先急凍, 再天然解凍, 等血水留出 2- 用鹽醃一下, 逼出血水, 再洗一下 3- 飛水, 豬肉係熱水煲5-10分鐘, 逼出血水, 再過凍水洗
路過......................呢個blog好正啊~~~~))))))))
回覆刪除[版主回覆02/15/2008 23:06:00]咁你要多d 黎呀
呢個好o岩我煮呀... 又快又易 . 因為我放工後才返家cooking 呢 , 唔可以煮D 好煩複既餸呢 ~
回覆刪除[版主回覆02/18/2008 00:00:00]我都係放工之後先煮呀, 所以我個個食譜都好易
好耐無見你啦, 去左邊呀
今晚就係炒呢個餸, 真係超容易又好味... 老外啪左2大碗飯呀... 勁簡棟... 唔該通少, yay~
回覆刪除[版主回覆04/17/2008 04:31:00]係呢, 都話我啲野唔難整啦, 哈哈哈哈
有無影相呀?
有相有相~~~
回覆刪除[版主回覆06/16/2008 20:54:00]啦啦臨睇吓先, 哈哈
今晚都係整呢個, 不過轉左用牛肉, 都一樣好好味呀 亞囡訓到半路扭唔訓走落樓, 聞到話香竟然肯好多塊牛肉同埋大半碗炒麵 嘩估唔到 (平時連少少肉都唔肯食架) 佢細細個都跟埋點心口味... 開心死我啦^^
回覆刪除[版主回覆06/16/2008 20:54:00]開心就好啦, 你開心, 我就更開心, 哈哈
真係好容易煮 心血來潮唔知煮咩好 打開你的blog 就可以會有頭緒
回覆刪除雖然身第一次煮 不過個個都話好味
多謝你 成日提供簡單又好味的食譜
[版主回覆07/23/2008 20:52:00]客氣啦, 你食得開心, 我就更開心呀, 多啲嚟坐啦
枚頭豬肉嘅英文喺乜呀?我一到超市見到咁多肉都唔知點揀,又驚買咗舊肉番黎唔啱咁煮,請指教...
回覆刪除啱啱見到你答另一位友講枚頭叫 loin,等我今晚去望下先。我每次跟你啲食譜整完餸都覺得自己好勁架,真係多謝晒!YEAH!
回覆刪除