成日出食譜, 都唔得要講下我去過d 地方, 我哩個blog係要介紹美食, 亦要介紹下好地方先得嘛 
今次我介紹哩個地方比較僻, 係montreal一個滑雪勝地 -- Mont Tremblant
哩個地方真係一年四季都開, 佢有一個自己管理既小村莊, 其實係一個遊客重點, 入面有好多柏文式既酒店會所, 商店, 食肆等, 而且當然唔小得一個可以滑雪既雪山啦 
我03-06年, 每年冬天都會同朋友去哩到住幾晚, 渡過一個周末咁, 當年有個friend識人可以用賓館價錢住5星酒店, 試過有年10人住係一個酒店房, 逼就係逼d, 但真係好開心好熱鬧 
而家無去好耐啦, 個優惠酒店房已出售, 所以無再去啦, 哈哈
如果大家有機會去哩個地方, 我會建議秋天或冬天先好去, 秋天景色最靚, 又清涼, 真係好正, 冬天滑雪渡假就一流啦
等我帶大家參觀下啦, 去片
圖1: 哩張相係酒店房影架, 你睇下左面白色地方有幾多人滑雪, 當時係早上8點咋
圖2: 哩個係酒店個泳池, 左上面細細個係暖水池, 我太太當年就係到浸水, 但出面就落緊雪, 個feel真係好正
圖3: 坐纜車上雪山, 真係幾高下, 當年我剛學完1個小時滑雪, 就膽粗粗上山頂滑雪啦
圖4: 當年學左1個鐘滑雪, 唔跌就奇啦, 你睇我當年個樣幾後生 
圖5: 係村入面唔係有好多好野食, 哩個一pet 既就叫做出面既蜜桃甜餅伴雪糕啦
圖5: 藍莓紅莓甜餅, 去mont tremblant 一定要去試呀
沒有留言:
發佈留言