Pages

2007年10月30日星期二

口直心快

我是一個典型的口直心快的人


不合我心意, 我必定說出來的, 我少有地發表我意見時去考慮對方是否接受, 所以, 我並非一個受歡迎的人


當然有人話, 口直心快好過虛偽, 不過人始終喜歡給人讚美多於給人批評, 我沒有良好的表達技巧, 通常講說話, 都會得罪人多, 稱呼人少.


好多時候, 我講野係無心, 只是衝口而出, 想到甚麼就說甚麼, 好多時候, 說話時候不對, 場合不對, 沒有技巧, 一出口, 就給人覺得我這個人很討厭


我還記得我以前一些經典的得罪人的說話, 當然, 我說時, 真的沒有心去批評人
例如:
1- 如果我係你, 我就會咁樣咁樣做 (我那個朋友給我當著其他人面對這樣說, 立即面色一沉)
2- 這碟"送"沒有甚麼味道, 可否給我一樽鹽? (煮飯那個, 面色立即一沉)
3- 買酒都比人check id, 下次都係由你去買啦 (面色又立即一沉)

我犯的錯, 十隻手指都數不完


如果技巧好一點, 我肯定不會得罪人, 例如:
1- 我聽人說過,  咁樣咁樣做效果可能會好一點, 你覺得呢? 
2- 我是個鹹蟲, 介不介意給我一樽鹽? 我喜歡鹹一點
3- 買酒都比人check id, 下次都是不要由我去買好了


怎樣? 同樣的意思, 加入一些表達技巧, 不是比較好入耳嗎?


如果你也是口直心快的人, 記得, 在表達你意見前, 要好好想好如何去表達, 好意或是惡意, 全憑你表達方式, 因為別人看不到你的心意.  口直心快是個優點或是缺點, 就看你是否懂得去表達


11 則留言:

  1. 我已經進步左好多了~~因為太直接...無修飾過既說話....真係沒甚麼人喜歡聽的~哈哈!~
    [版主回覆10/31/2007 09:51:00]係呀,但通常係唔知情況下衝口而出,當發覺時已經太遲

    回覆刪除
  2. posted tongiht meal, come and take it

    回覆刪除
  3. 我都係心直口快架!可能得罪好多人都唔知!
    萬聖節快樂
    [版主回覆10/31/2007 20:52:00]你係女仔, 點都好過我哩個心直口快既男仔既~~~

    回覆刪除
  4. I had the same problem but now I phrase my words better....
    [版主回覆11/01/2007 00:19:00]That's good.  However, it is always hard for me to rephrase it.  I always say something bad that I don't even realize

    回覆刪除
  5. 睇見你依個Topic,我亦好有同感,所以說話要技巧要慢慢學,講野之前要停一下先出口.大家都努力啦.
    [版主回覆11/01/2007 00:20:00]係精神狀態良好, 都還可以有時控制到, 但如果當日心情差, 精神唔好, 好多時候講錯左野都唔必發覺, 哩樣先係最煩

    回覆刪除
  6. 基本上我同你係同一類人(如果唔係都做唔到friend)......
    但我始終覺得, 有時唔係你/我講野有問題, 聽果個/接收果個自己都有一d問題, 如果唔係又點會下下都中.........
    [版主回覆11/01/2007 21:31:00]但人係咁架喎, 自己有問題, 當別人講正類似既野, 就會當人地話緊自己
    所以口直心快咪好危險囉, 要下下都諗清楚先可以講, 同埋要講得好圓滑先得

    回覆刪除
  7. 都係有個句講個句姐, 朋友合則來不合則去 唔鐘意或頂唔順我咁講野既人 通常都唔係我D friend, 做得朋友就唔會mind 下下要裝飾過先講咪好虛偽囉 咁就唔係friend la
    [版主回覆11/02/2007 01:33:00]但係幾friends 都係人一個, 唔係下下都定得順
    唔係話下下要裝飾過, 只係講野要圓滑, 容易入耳d
    有時因為無心講錯野而無左個朋友就無謂啦

    回覆刪除
  8. 我最怕就係果d自己把口仲衰, 但又唔俾人話得果種人.........
    我唔知你有冇睇arm arm我同小強炒左一鑊........
    可能應該話我無啦啦俾佢炒一鑊~ 就係因為呢d小問題~
    不過我唔知原來佢為左d小事(砌野問題)唔妥左我咁耐............
    之後就覺得我針住佢..........講真, 我鬼知佢唔妥我咩.......
    我問佢有冇買過股票, 無啦啦可以變左另一d意思.......
    我真係唔知點做人朋友, 自問我容忍佢都唔小野~~
    我絕對覺得我有理會人地感受......好多野我都冇同佢計較過...........
    但調轉又係我做衰人~~
    [版主回覆11/02/2007 22:57:00]我老婆話齋, 有時我地哩d成日得罪人既, 如果發覺自己做錯野, 咁當然要去做d野, 補番鑊.   不過如果對方唔接受, 咁你就要諗清楚對方究竟當你係唔係friend.  如果係friend, 你補鑊, 佢無理唔接受, 如果對方不嬲都唔當你係friend, 就算你無做錯野, 個關係都唔會維持得耐.
    唔好下下因為我地易得罪人, 就下下將問題原因放係自己身上, 問題永遠係相方面, 可能你開始時寸寸下, 得罪人, 但如果你已經嘗試過去補鑊, 而對方唔接受的話, 個問題已經再唔係你身上啦
    下下都話自己係罪人, 咁對自己好唔公平.  你為人諗, 都要人為你諗下, 顧下你感受先得架, 朋友係相向, 唔係單向
    你係情聖, 應該明感情係無得勉強, 朋友都係一樣

    回覆刪除
  9. 如果呢個係我朋友, 我會明白佢係一個點既人, 佢個性格係點, 講野係點, 做事係點, 就算大有爭論時, 又或者當時俾對方既說話激嬲都好, 大被蓋頭訓醒一覺就無事, 因為佢係我朋友, 我知道佢個性格就係咁, 對朋友既寬容係會比一般人大, 亦因為係朋友就算對方既直話直說觸到自己既痛處, 嬲都唔會嬲得耐, 因為係朋友先會咁同自己講野, 唔係朋友...........教精自己/佢都嫌費事啦

    回覆刪除
  10. 口直心快其實係講事實,
    只不過太過hurt到別人便不好了,
    將事實經過修飾再講出來都不是假話,
    而又令人聽得舒服,不會令人難堪,
    又不會得失朋友或其他人,何樂而不為呢?
    我都試過口直心快,
    所以仍在學習說話的技巧,同大家互勉之.

    回覆刪除
  11. 我都係口直心快0既人, 但隨著年齡日漸增長, (即係老la)  慢慢就有改善.
    事件一: 到朋友家飯聚, 煲紅蘿蔔栗米豬骨湯但好似糖水一樣咁甜, (原來佢習慣煲咩湯都落8粒蜜早)
    「你係咪落錯糖!」 (照飲, 但好似吞中藥咁)
    事件二: 朋友聚會大家都整甜品, 食到其中一件tiramisu, 有酸0既怪味
    好想吞左去, 又怕肚瀉, 見其他2個朋友好似冇事咁照食,  爭扎左一輪都係吐番出來 (靜雞雞) 但都比人發現。 唯有照講「唔知點解我食到有酸味, 點解你地果d冇事0既!」

    回覆刪除