Pages

2007年11月2日星期五

"說謊"

好多野, 我地人都係去學, 但係講大話, 真可以算一種唔需要學, 而我地個個都有既技能


人往往要逃避, 都會用大話去使自己好過d, 有邊個做錯野會鐘意比人鬧先? 所以華盛頓肯認錯先會咁出名, 我地由細到大, 有邊刻唔係要大家學去認錯?


無論愛情, 做錯事, 返工, 返學, 我地無時無刻係都可能會講大話.  有人將大話分為有惡性大話, 同無心善意大話.  其實目的, 咪又係想講大話時無咁難過


認錯的確比講大話難好多, 因為通常接受或承認錯處, 後果通常都唔多好受
一個出去滾既男人, 如果承認了, 會有咩後果呢?
一個出貓既學生, 如果承認了, 會有咩後果呢?
一個賊, 如果承認打劫了, 會有咩後果呢?


就係因為怕承擔惡果, 所以人選擇去講大話, 因為講大話講得好, 唔單止無事, 更可能可以將一些平時不能做既野繼續咁做落去


的確, 我覺得有時人好可怕, 因為你遇著一個大話高手, 一個老千, 損失了金錢都算, 但損害了我對人的信任, 心靈受的傷往往大過表面可以看到的


幸好, 我未遇過老千, 我只遇過一些好虛偽的人, 他們同樣講大話叻, 唯一分別就係老千騙完你會離開, 但虛偽既朋友唔會, 仲會係你唔發覺時, 離間你身邊朋友, 或係你身上不斷拿著數, 到你再無利用價值, 就會好有"技巧"咁踢開你, 令你覺得是自己做錯, 自己對他不起


老實講, 我好彩發現了.  像電腦virus一樣, 暫時我scan 不見有任何虛偽的人或老千, 但你呢? 你自己是否是一個良好的anti-virus 能遠離他們呢?


怎樣也好, 被騙總好過去騙人, 希望你是個被騙的人, 而非去騙人那個
祝你好運


1 則留言:

  1. 深深地領會一字一句....有意思! 我上了一課
     

    回覆刪除